Poslovne vesti - Makedonija

Зголемен бројот на странските туристи за 8,1%

Македонија во септември ја посетиле 60.428 туристи, што споредено со истиот месец лани е зголемување за 3,1%.

Во септември се остварени 166.343 ноќевања што е за 13,9% повеќе ноќевања од ланските, објави Државниот завод за статистика. Бројот на домашните туристи во септември 2012 година, во однос на септември 2011 година е намален за 6,2%, а на странските е зголемен за 8,1%. Кај ноќевањата на домашните туристи има зголемување за 5,9%, а на странските за 19,1%.

Во периодот јануари-септември годинава, во однос на истиот период лани статистиката евидентира дека бројот на туристите е зголемен за 2,5%. Притоа кај домашните туристи има намалување за 3,6%, а кај странските зголемување за 9,1%. Во тој споредбен период е забележано намалување на ноќевањата за 1,7%, при што кај домашните туристи има намалување за 6,3%, а кај странските зголемување за 8%.